Velkomin á Emma.is, fyrstu rafbókaveituna fyrir íslenskar rafbækur.

Emma.is er öflugur vefur sem gerir sjálfstæðum höfundum, útgefendum, fyrirtækjum og rétthöfum kleift að koma ritverkum á framfæri til lesenda á því verði sem þeir ákveða. Verkin eru gefin út sem rafbækur sem hægt er að lesa í öllum helstu snjalltækjum, lestöflum eða í tölvum. Emma.is er útgáfustaður fyrir bókaútgefendur, þekkta og óþekkta höfunda, skúffuskáld, áhugaskáld, fræðimenn, fyrirtæki og aðra sem fara með höfunda- og útgáfurétt á verkum. Tilkoma Emmu mun boða þáttaskil í útgáfu og aðgengi íslenskra rafbóka.

Rafbókaveitan Emma.is er opinn öllum í gegnum netið, hvort sem það er í snjallsíma, snjalltöflu, lestöflu eða á tölvu. Vefurinn er hannaður eins og bókaverslunarvefur þar sem lesendur geta skoðað úrvalið eftir bókaflokkum, valið sér áhugavert lesefni , keypt og sótt.

Formleg opnun verður með viðhöfn 1. desember næstkomandi. Kjarngóður hópur þekktra og óþekktra höfunda hafa þegar skráð verk sín til útgáfu hjá Emmu og bjóða verk sín við opnun vefsins. Við viljum bjóða þér að slást í hópinn með ört stækkandi hópi höfunda og útgefenda og gefa þér tækifæri á að senda inn þína/þínar rafbækur áður en við opnum. Við bjóðum þeim útgefendum sem hafa samband fyrir 1. des að senda handrit inn á hvaða rafræna formi sem er til rafbókagerðar. Eftir 1. des verður tekið við handritum á ritvinnsluformi löguðum að kröfum Emmu eða tilbúnum rafbókum. Einnig mun Emma bjóða upp á rafbókagerðarþjónustu gegn hóflegu gjaldi.

Framtíðarsýn Emmu er að vera leiðandi í útgáfu rafbóka á Íslandi og stærsti dreifingaraðili íslenskra rafbóka. Nú er lag, sendu inn bók eða kynntu þér málið betur.